கோவில் பற்றி
தல வரலாறு
துவாபர யுகம் முடிவுற்று கலியுகம் பிறக்கும் தருணத்தில், சிவபெருமான் முதல் உயிராகப் படைப்புக் கடவுள் பிரம்மாவையும், காக்கும் தெய்வமாகிய விஷ்ணு பகவானையும், சப்த ரிஷிகளையும் தன் மூலம் சிருஷ்டி செய்தார்.
அந்த ரிஷிகளில் ஒருவரான அத்திரி மகரிஷி, தென்கைலாயம் என்று சொல்லக்கூடிய பொதிகை மலையில் அகத்தியர் தரிசனம் பெற்று, தென்னாட்டின் மூலிகை நிறைந்த இம்மலையின் (பச்சை மலை) அழகை ரசித்து — தியானம் செய்ய சரியான இடம் இதுதான் என்று உணர்ந்து பல ஆண்டுகள் தவம் இருந்தார்.
தவத்தின் பலனாக சிவபெருமானின் காட்சியைக் கண்டு மெய்சிலிர்த்த மகரிஷிக்கு மோட்சத்தை அருளிய ஈசன், “கலியுகத்தில் மனிதர்களால் தர்ம சிந்தனை உண்மைக்குப் புறம்பாகவும், கலகங்கள் தலைவிரித்து ஆடும் நாளில் இந்தப் பச்சை மலையில் ஸ்ரீ அத்திரீஸ்வரராக எழுந்தருள்வேன்” என்று அருளினார்.
அவ்வாக்கின்படி, தாம்பரம் சானட்டோரியம் பச்சை மலை மேல் ஆலயம் எழுப்பப்பட்டு, இன்று நமக்கு ஸ்ரீ அனுசுயா தேவி சமேத அத்திரீஸ்வரராக அருள் ஆசி வழங்குகிறார்.
மூர்த்திகள் & சன்னதிகள்
ஸ்ரீ அத்திரீஸ்வரர் — மூலவர்
ஆலயத்தின் நடுநாயகனும், ஆதியும் அந்தமும் இல்லா பரம்பொருளுமான சிவபெருமான் இங்கு “ஸ்ரீ அத்திரீஸ்வரர்” நாமத்தில் வீற்றிருக்கிறார். அத்திரி மகரிஷியின் தவத்திற்கு இரங்கி, கலியுகத்தில் இப்பச்சை மலையில் எழுந்தருள்வேன் என்று அருளிய வாக்கின்படி இங்கு காட்சி தருகிறார்.
பிரதோஷம் — மாலை 4:30 அபிஷேகம் & ஆராதனைஸ்ரீ அனுசுயா தேவி
ஸ்ரீ பார்வதி தேவியின் திருவிளையாடல்களில் ஒன்று — தன் பக்தையின் துயர் நீக்க “அனுசுயா தேவி”யாக பூலோகத்தில் ஜெனித்து, ஸ்ரீ அத்திரி மகரிஷியின் குடிலில் எண்ணற்ற முனிவர்கள், தேவர்கள், கந்தர்வர்கள் அனைவருக்கும் இன்முகத்துடன் அன்ன அமுது வழங்கி உபசரித்து வந்தாள்.
தான் ஒரு சிறந்த பதிவிரதை என்பதை ஏழேழு உலகமும் அறியும் வண்ணம் பெயர் பெற்றாள். அப்பதிவிரதத்தைச் சோதிக்க முப்பெரும் தேவர்களும் முனிவர்களாக வந்து, பிறந்த மேனியுடன் உணவு பரிமாற வேண்டும் என்று கோர — சற்றும் தயங்காத அன்னை, சக்தியின் அருளால் அம்மூவரையும் குழந்தையாக்கி “தத்தாத்ரேயர்” எனப் பெயர் சூட்டி அவர்கள் பசியைப் போக்கினாள். அதனால் முப்பெரும் தேவர்களுக்கும் தாய் என அறியப்படுகிறாள்.
ஸ்ரீ ராமரும் சீதா தேவியும் வனவாசம் புறப்படும் போது அனுசுயா தேவியிடம் ஆசி வாங்கிச் சென்றதும் இவ்வன்னையின் சிறப்பு.
பௌர்ணமி — சிறப்பு அபிஷேகம்ஸ்ரீ பாலாம்பிகை
சிவபெருமான் தன் நெற்றிக்கண் மூலம் மன்மதனை எரித்த போது, அத்தீப்பொறியில் உருவானவன் “பண்டாசுரன்”. சிறந்த சிவ பக்தனான அவன் எண்ணற்ற வரங்கள் பெற்றும், சாகா வரம் இயலாது என்று சிவபெருமான் கூறியதால், தனக்கு மரணம் ஒரு குழந்தை பாலகி மூலமே வர வேண்டும் என்று வேண்டினான்.
அசுர குணம் கொண்ட பண்டாசுரன் தேவர்கள், முனிவர்கள், கிரகங்கள், மூன்று லோகங்களையும் அடக்கி ஆள இடையூறுகள் செய்ய — அவனை வதம் செய்யும் காலம் நெருங்கியதை உணர்ந்த ஸ்ரீ நீல லலிதாம்பிகை, ஸ்ரீ பாலாம்பிகையாக (வாலை தேவி, சித்தர்களின் தாய்) அவதரித்து அவனை வதம் செய்தாள்.
செவ்வாய், வெள்ளி & ஞாயிறு — குங்கும அர்ச்சனைஸ்ரீ பால் முனீஸ்வரர்
சிவபெருமானின் உருவங்களில் ஒன்று முனீஸ்வரர். இவரை வழிபடுவதன் மூலம் எதிரிகளின் தொல்லை முற்றிலும் நீங்கும், எமபயம் விலகும். இவர் நமது ஆலயத்தின் காவல் தெய்வமாக நமக்கு அருள் புரிகிறார்.
ஸ்ரீ காலபைரவர்
சிவபெருமானின் அவதாரங்களில் மிக முக்கியமான அவதாரமாக ஸ்ரீ கால பைரவர் போற்றப்படுகிறார். மனிதனின் தலைவிதியை மாற்றும் சர்வ வல்லமை படைத்த இவர் நமது ஆலயத்தில் அமைந்திருப்பது சிறப்பான அம்சம்.
தேய்பிறை & வளர்பிறை அஷ்டமி — மாலை 5:00 அபிஷேகம்ஸ்ரீ லோப முத்ரா சமேத அகத்தியர்
வேறு எங்கும் காணக் கிடைக்காத வகையில் இவ்வாலயத்தில் தம்பதி சமேதராக அகத்திய முனிவர் காட்சி தருகிறார். குடும்ப ஒற்றுமை, அமைதி, நோயின்மை, செல்வ செழிப்பு மற்றும் மனக்குறைகளை நீக்கும் குருவாக நமக்கு வழிகாட்டுகிறார்.
ஆயில்யம் நட்சத்திரம் — பிரதி மாதமும் சிறப்பு அபிஷேகம்ஸ்ரீ பக்த ஆஞ்சநேயர்
பெரும்பாலும் வைணவ ஸ்தலங்களில் காணப்படும் ஆஞ்சநேயர், இங்கு “பக்த ஆஞ்சநேயர்” ஆக ருத்ரரின் மறு வடிவமாக அமைந்து பக்தர்களுக்குப் பயத்தை நீக்கி அருள் புரிகிறார்.
மூல நட்சத்திரம் — காலை 9:00 திருமஞ்சனம்வலம்புரி & இடம்புரி விநாயகர்
நடை பாதையில் வரும் பக்தர்களுக்கு ஆலயத்தில் முதலில் காட்சி கொடுப்பது வலம்புரி மற்றும் இடம்புரி விநாயகர்.
ஸ்ரீ வாராகி அம்மன்
வளர்பிறை மற்றும் தேய்பிறை பஞ்சமி தினத்தன்று ஸ்ரீ வாராகி அம்மனுக்கு மாலை 5.00 மணிக்கு சிறப்பு அபிஷேகம் நடைபெறுகிறது.
பஞ்சமி — மாலை 5:00வள்ளி தெய்வயானை சமேத சுப்பிரமணிய சுவாமி
வளர்பிறை மற்றும் தேய்பிறை சஷ்டியில் அருள்மிகு வள்ளி தெய்வயானை சமேத சுப்பிரமணிய சுவாமிக்கு சத்ரு சம்ஹார திரிசதி அர்ச்சனை நடைபெறுகிறது.
சஷ்டி — திரிசதி அர்ச்சனைஅரச மர விநாயகர்
ஆலயத்தின் மலை உச்சியில் அரச மரத்தடியில் எழுந்தருளியுள்ளார். திங்கட்கிழமை அமாவாசை அன்று அரச மரத்தை (சோமவார அஸ்வத் பிரதக்ஷணம்) பிரம்ம முகூர்த்த நேரத்தில் சுற்றி வர வேண்டும் வரம் கிடைக்கப் பெறும்.
சோமவார அமாவாசை — 108 சுற்று பிரதக்ஷணம்மலை உச்சி சன்னதிகள் — பரிகார ஸ்தலம்
நமது ஆலயத்தின் மலை உச்சியில் வள்ளலார் ஜோதி ரூபமாகவும், அதனைத் தொடர்ந்து அகத்தியர், ராகு, அத்திரி மகரிஷி, கேது ஆகியோரின் சன்னதிகளும் அமைந்துள்ளன. இது ஜாதகத்தில் ராகு கேது தோஷம் நீக்கும் பரிகார ஸ்தலமாகும்.
சோமவார அஸ்வத் பிரதக்ஷணம்
திங்கட்கிழமை அமாவாசை அன்று அரச மரத்தை பிரம்ம முகூர்த்த நேரத்தில் சுற்றி வர வேண்டும் வரம் கிடைக்கப் பெறும். மேலே அமைந்துள்ள அரச மர விநாயகரை காலை 4:30 முதல் 6:00 மணிக்குள் 108 சுற்று சுற்றி வரப் பலன் உண்டு.
ஆலயம் மலை மேல் அமைந்துள்ளதால், இன்றைய கால சூழல் கருதி பெண்களும் ஆன்மீக அன்பர்களும் சூரிய அஸ்தமனத்திற்குள் — அதாவது காலை 4:00 மணி முதல் மாலை 5:45 மணி வரை — சுற்றினாலும் நம் பிரார்த்தனை நிச்சயமாக நிறைவேறும்.
சித்தர்கள் வாழும் சிவன் மலை
குழந்தை வடிவமும், வரங்களை அள்ளித் தருபவளும், கருணையே வடிவமாகவும் அமைந்துள்ள சித்தர்களின் தாய், சித்து விளையாட்டின் முதன்மையானவளுமான ஸ்ரீ பாலாம்பிகை அன்னையைத் தேடி சித்தர்கள் அனைவரும் உலக உயிர்கள் இன்புற்று வாழ அன்னையைத் தரிசிப்பதால், இவ்விடம் சித்தர்கள் வாழும் சிவன் கோயில் என்றும் அழைக்கப்படுகிறது.
சப்த ரிஷிகள்
சிவபெருமான் உலகைப் படைக்க அவதரித்த சப்த ரிஷிகள், ஆகாயத்தில் ஏழு ரிஷிகளாக இன்றளவும் காட்சி தருகிறார்கள்.
18 சித்தர்கள்
இவர்களின் படங்கள் நமது ஆலய தியான மண்டபத்தில் தினமும் உலக அமைதிக்காக பூஜிக்கப்படுகின்றன.
சிவவாக்கிய சித்தர்
இவர் ஒரு சிறந்த சிவத்தொண்டர்; சிவனின் மேல் எல்லையற்ற பக்தி கொண்டவர். இவர் நம் ஆலயத்தில் அமைந்திருப்பது சிறப்பு.
ஓடி ஓடி ஓடி ஓடி, உட்கலந்த ஜோதியை
நாடி நாடி நாடி நாடி, நாட்களும் கழிந்து போய்
வாடி வாடி வாடி வாடி, மாண்டு போன மாந்தர்கள்
கோடி கோடி கோடி கோடி, எண்ணிறந்த கோடியே
விளக்கம்: ஒவ்வொரு மனிதனுள்ளும் ஜோதி சொரூபமாய்க் கலந்திருக்கிற சிவனை உணர்ந்து, அவனை அறியும் வழியை மனிதர்களுக்கும் பாமர மக்களுக்கும் உணரும் வண்ணம் செய்தவர் சிவவாக்கியர்.
ஆலய நடைதிறப்பு & விசேஷ நாட்கள்
தினசரி ஆலய நடைதிறப்பு
நடை பாதையில் வரும் பக்தர்களுக்கு முதலில் காட்சி கொடுப்பது வலம்புரி, இடம்புரி விநாயகர்.